സ്വർഗ്ഗ സീയോനിലേക്ക്
കണ്ണ് നട്ടിരിക്കുന്ന
കറുത്ത കുഞ്ഞാടുകളേ....
നിങ്ങൾക്ക് ഹാ,കഷ്ടം!
നിങ്ങൾ
ശിരസ്സുയർത്തി,മിഴിപൂട്ടി,
അട്ടഹസിച്ച് പാഴ്വാക്കുരുവിട്ടിരുന്നപ്പോൾ;
എത്രയെത്രപേർ സ്വർഗ്ഗകവാടം
കടന്ന് പോയി.!
വേദപുസ്തകം
തീപ്പൊരിചിതറി ഉള്ളിൽ
ജ്വലിച്ച് നിന്നപ്പോൾ;
കുരുന്നുകൾ യാഥാർത്ഥ്യത്തിൻറെ
മഞ്ഞ് വീഴ്ചയിൽ വിറങ്ങലിക്കുകയായിരുന്നു.
ചത്തുപോയവർ
കുഴിമാട കുരിശും ചാരിയിരുന്ന്
കരയുന്നതെന്തെന്ന്;
ഉറക്കം ഞെട്ടിയ കുഞ്ഞ്
ഇടറി ചോദിച്ചപ്പോൾ
ഞാൻ;ഒരുപാട് കാര്യങ്ങൾ
ഇട്ട്മൂടാനുള്ള കുഴി
ആഞ്ഞ് വെട്ടുകയായിരുന്നു.
No comments:
Post a Comment